Litratong Pinoy: puso (heart)

Nakakakilabot ang mga ka-kyutan na ito---stuffed pillows at stuffed toys! Pero sige na lang, tutal V-day naman e. Dadating na ang araw na 'yon sa gusto man natin o hindi. Araw ng mga puso. Kapanahunan ng pagmamahalan. At pagkakataon na rin ng pagbibigay regalo sa minamahal (may pera man o wala). Pinag-iisipan mo na ba kung papano n'yo ipagdiriwang ang V-day? Handa ka na bang masorpresa? O nape-pressure ka na?

Isa ako dati sa mga natatawa sa ka-cornihan ng Valentine’s Day. Gusto ko pa nga ipagbabawal ng gobyerno ang araw ng mga puso at ikalaboso ang mga magsin-irog na naglalambingan sa harap ng madlang pipol. Masyado kasing pinagkakakitaan at naaabuso ang konsepto ng Valentine’s Day, kaliwa’t kanan ang atake ng mga nakakatulig na advertisements (natanong ko tuloy sa lolo ko bakit may flavor ang condom), sobrang ma-traffic (lalo na sa mga kalye patungo sa mga motel---teka, bakit ba doon din ako dumadaan?), mahirap humanap ng parking space (dahil kaya puno ang "short taym" at doon na lang sa parking lot?), halos walang makainan dahil pati ang lugawan at isawan sa kanto ay puno ng mga magkasintahan. Pero napagod na rin ako sa kakareklamo kaya hindi ko na lang tinitingnan kung ano ang mali sa araw ng ito. Ini-enjoy ko na lang ang kapakinabangan ng V-day katulad ng bulaklak at tsokolate, masayang salo-salo, at maraming masasayang tao sa paligid [na hindi naman siguro papunta sa "taxi room"]. At sigurado ako, kahit may krisis pang-ekonomiya, ang mga Pinoy ay hindi mapipigilang gumastos ngayong araw ng mga puso.

These cute Valentine stuff make me cringe...but since it's V-Day, I'll embrace all the cutesy stuff in the world. Valentine's Day will be here whether we like it or not. The abused heart day. A time for love. A season for romance. An opportunity to splurge on a gift for the significant other. Are you now wondering about the creative ways to celebrate V-Day? Are you ready to be surprised? Or do you feel the pressure?

I used to snicker at the corny-ness of Valentine's Day. I even wanted to lobby Congress that V-Day should be banned from the face of the earth, and lovers arrested. V-day and its concept has been commercialized and abused as we are bombarded with advertisements aimed directly at our sentimentality, not to mention the terrible traffic, full parking lots, full and crowded restaurants. But as I grow older [and wiser], I no longer look for what is bad and wrong about V-Day. Instead, I look at the bright side and the revitalizing benefits it brings. And despite the economic slump, I'm sure, Filipinos will be out there spending money on their loved ones.

Posted for Litratong Pinoy